అమెజాన్ జాక్‌పాట్.. ఉచితంగా రూ.5 లక్షల బహుమతులు!

దిగ్గజ ఈ-కామర్స్ సంస్థ అమెజాన్ తాజాగా అదిరిపోయే ఆఫర్ ప్రకటించింది. అమెజాన్ యాప్ జాక్‌పాట్ కంటెస్ట్ ప్రకటించింది. ఇందులో గెలుపొందిన లక్కీ విజేతలకు రూ.5 లక్షలకు పైగా విలువైన బహుమతులు అందిస్తుంది. అమెజాన్ యాప్ జాక్‌పాట్ కంటెస్ట్ ఆగస్ట్ 31 వరకు అందుబాటులో ఉంటుంది. ఇందులో మీకు చేయాల్సిన పని ఏమీ లేదు. కేవలం అమెజాన్ యాప్‌ను డౌన్‌లోడ్ చేసుకుంటే చాలు. స్మార్ట్‌ఫోన్‌లో యాప్‌ను ఇన్‌స్టాల్ చేసుకొని అకౌంట్ క్రియేట్ చేసుకొని లాగిన్ అవ్వాల్సి ఉంటుంది.

                         

18 ఏళ్లకు పైన వయసు కలిగిన భారతీయులు అమెజాన్ యాప్ జాక్‌పాట్ కంటెస్ట్‌కు అర్హులు. అమెజాన్ అకౌంట్‌లో కరెంట్ కంట్రీ వద్ద ఇండియా అని పెట్టుకోవాలి. బిల్లింగ్ అడ్రస్ కూడా భారత్‌లోనే ఉండాలి. ఇకపోతే అమెజాన్ ఉద్యోగులు మాత్రం ఈ పోటీలో పాల్గొనలేరు.

అమెజాన్ యాప్ జాక్‌పాట్ కంటెస్ట్‌లో భాగంగా 6 మంది బహుమతులు పొందొచ్చు. హెచ్‌పీ ల్యాప్‌టాప్, గూగుల్ పిక్సెల్ స్లేట్, నికాన్ డీఎస్ఎల్ఆర్ కెమెరా, యాపిల్ ఐఫోన్ ఎక్స్ఎస్ మ్యాక్స్, జేబీఎల్ స్పీకర్స్, ఫిట్‌బిట్ సర్జ్ వంటి బహుమతులు వస్తాయి. అమెజాన్ వెబ్‌సైట్ ఓపెన్ చేయగానే కుడివైపు పైభాగంలో అమెజాన్ యాప్ జాక్‌పాట్ లోగోను చూడొచ్చు. దీనిపై క్లిక్ చేసి కంటెస్ట్ పూర్తి వివరాలు తెలుసుకోండి.